السلام عليكم ورحمة الله وبركاته💙.
بوست الليلة عن موضوع مُهم ليه بتقرأ القرآن؟. كان في إستفتاء نزلته ليكم هنا وتباينت الإجابات فحنناقش كل جرء على حِدى.
><
طبعاً قراءة القرآن تعبد لله سبحانه وتعالى قبل كل حاجة وهو كلام من الله عز وجل لينا يعني لا خطأ فيه.وقراءتنا ليه فيها ثواب عظيم فالحرف بحسنة والحسنة بعشر أمثالها💙.

-_-
أجمع عدد كبير منكم إنهم بقرأو القرآن الكريم عشان بطبطب عليهم ودي حاجة مُبهجة ومبسوطة بإحساسكم دا💙.
القرآن الكريم كله رسائل لينا وإن كان بعضها بحتاج إستنباط ودا إن دل يدل على أهمية تدير القرآن الكريم، لمن تكون زعلان وتفتح تقرأ فيه وتصادفك آية تحسها ليك براك، لمن تكون بتحفظ فيه وغلبك وتقرأ أول آية من سورة طه والأمثلة كثيرة.
فحقيقي القرآن بعلمنا حاجات لولاها كان ضعنا فهو فيه أحسن القصص💙.
^^
بتحس القرآن بيواسي فيك ودي حقيقة وإن دلت تدل على رحمة ربنا بينا وكيف ربنا بيواسي فينا بكلماته.
--
الخيار الأخير في التصويت وهو كوننا بنقرأه عشان واجب علينا.
أنا الحاجة دي شايفاها ما كويسة وبتندرج تحت بند تعود العبادة، صح هو إنت بتعمل عبادة بس ما بتحس بعظمة ربنا بكامل قلبك.
فلمن تقرأه عشان هو واجب عليك ما حتفهم المغزى ولا حتحاول تفهم لأنك بتكون بتفرأه زي الجريدة بعيونك أو بفمك بدون قلبك.
-_)
القرآن الكريم كتاب أكثر من جميل وكله حكم وقصص وعِبر ما تحرم نفسك من تدبر آياته وفهم رسائل ربنا ما تقرأه بنية قراءته لأنه واجب بل بنية التعبد والتدبر.
ما تصعب الأمور وما تأخرها وحافظ على وِرد يومي من القرآن الكريم وخلي صوتك مسموع في السماء قبل الأرض.
ما تحرم نفسك من لذة قراءته ولا لذة تدبره وأعاننا الله وإياكم على شكره وحسن عبادته وتقبل الله منا ومنكم. 💙
#عشان_نتعلم
#آيه_حسن
#وجهات_نظر

السلام عليكم 🤍
أهل الخير 🤍
عندنا اختنا عيانه شديييد عندها بواسير وقررو ليها عمليه مستعجله بس والله امبارح اتضايقت ضيق شديد والله الليل كلو م قدرت تنوم من الضيق ، والظروف والله صعبه شديد، هم محتاجين يسافرو سنار للعملية عشان يبدو الفحوصات 💔.
ياريت حاليا نحاول نجمع ليهم تكاليف السفر 47 الف فقط وفي ميزان حسناتكم يارب 🤍.
رقم الحساب في الخاص 💙

«مَا عُدتُ أعرِفُ أينَ تهدَأُ رِحلَتِي
وَبِأيِّ أَرضٍ تستَرِيحُ رِكَابِي؟».

ربّاهُ إن الروح ترجو رحمةً تاه الطريقُ فيا إلهِ دلّها
ضاقت بها الدنيا وبابُك مُشرعٌ إن لم تكن أنت المغيثُ فمن لها

‏(وعبادُ الرَّحمن الَّذِينَ يَمْشُونَ على الأرْض هَوْنًا)
‏هيّن في السعي ..
‏ما تدخل في حالة خوف من المستقبل، ولا يرهقك شعور التأخير.
‏هيّن في التعامل ..
‏تعطي بسهولة، وتأخذ بنفس الدرجة من السهولة.
‏وهيّن على نفسك ..
‏متواضع بطريقة ما تنسى فيها حق نفسك، حكيم بشكل ما ينسيّك الامتنان.

"اليسرُ منكَ وأنتَ ربي إن تشأ
لجعلتَ أخوف ما أخافُ أمانًا!"

‏Dear Khartoum
‏سكة غير دربك تفتر و دنيا غير دنياك تودر..

يابُنيّة إنِّ الحب شعور أعظم مِن أن يُعاش في الحرام،فلا تعلقي قلبك بحرام،لاتستأمني علي قلبك رجلًا حتي يعقد القِران!🤎..

#ترتيل_الخزين

صباح الخير حُباً 💙.

حافظ على وردك اليومي💙
أقرأ الأذكار💙
إبدأ حفظ القرآن الكريم 💙.

في محطات حياتنا المُختلفة لاقينا دعم من ناس مُختلفيين منهم الأهل والمعارف والأصحاب! 💙.
وجود أصحابنا هون علينا ليالي وأيام طويلة من جرسة إمتحانات وجري لابات وكمان تستات ماليها عد والأكيد طبعاً تهوينهم لمشاكل حياتنا💙.
طول عُمري كنت بحب إنه أكون وحيدة بس لقيت إنه في أشخاص معينين بخلوني أطلع من وحدتي ونتكلم ونضحك وأجي إتذكر وأقول معقولة دي أنا!!!.
كلمة حلوة من أصحابنا كفيلة تغير مزاجنا 750 درجة دا لو ما بقينا شايفين قلوب قلوب 💙. مشوار واحد معاهم كفييل يخلينا ننسى تعب الأيام الفاتت ويهون الأيام الجاية💙.
صحباتي حيفضلوا أجمل رزق لي في حياتي وربنا ما يحرمنا من بعض 💙💙.
#آيه_حسن

اللهم ارحم خالاتي و اغفر لههن و انظر اليهن بعين لطفك و كرمك يا أرحم الراحمين
اللهم ارفع درجاتهن في المهديين واخلفهن في عقبة الغابرين و اغفر لي و لهن يالله و أفسح لهن فى قبرهن و نور لهن فيه
اللهم أبدلهن دارا خيرا من دارهن و أهلا خيرا من أهلهن و أدخلهن الجنة و أعذهن من عذاب القبر ومن عذاب النار”.

يا ربنّا "))

‏﴿إِنَّهُ عَلِيمٌ بِذَاتِ الصُّدُورِ﴾

ممكن اعمل vote على كل الاسباب دي😂؟

RED FLAGS تخليك تفسخ/ي علاقتك بخطبيك أو خطبيتك:
><
في الإستفتاء الفات سألت سؤال مُهم جداً وهو عن الحاجات البتخليك تفسخ خطوبتك عن المرتبط/ة به ونسبة التصويت كانت مُتفاوتة تبعاً لإختلاف وجهات النظر بس يلا نتكلم عن الحاجات دي.(الحاجات دي كلها بتخليك تنهي العلاقة بس حنشوف واحد واحد).
--

عدم الإحترام :واحدة من أهم الأسباب عدم الإحترام فحقيقي في فترة الخطوبة لو ظهرت أي علامة بتدل على عدم إحترام ليك أو لأهلك خليه. وعدم الإحترام بتمثل في حاجات كثيرة منها التقليل من أهلك ومنك وينهرك وغيره بل في ناس ممكن تصل للضرب!.
عدم الرضا والمقارنة بالغير:حقيقي لو إرتبطت بشخص ما مُقتنع بك من أي ناحية خليه. فالمقارنة بالناس مثلاً من الناحية المادية بالنسبة للطرفين كارثة فمثلاً لمن تقارني خطيبك بشخص أقل منك حتفقديه ثقته في نفسه وإنتِ ما حتكوني حاسة به كفاية وحتحسي نفسك كتيرة عليه أما مثلاً من الناحية العاطفية فالموضوع واحد فمقارنتك لخطيبك بخطيب صحبتك اللي مغرقها دلع وحب حيجيب ليك عُقد نفسية(نتفق إنه الراجل السوداني ما مّيال إنه يعبر عن مشاعره).
موضوع المُقارنة بمثل دا عدم رضا بالطرف الثاني وما حتستمر العلاقة حتى لو إتزوجتوا إلا بصعوبة وشوفي حولك وعلى فكرة الموضوع دا مُنتشر أكثر بين البنات صح ممكن خطيبك يقارنك بفلانة السمحة بس دي نسبة بسيطة بمقارنتك لخطيبك بفلان الجاب لزوزو قفة فرح!(نكون مُنصفين يا شباب) 😆.
--_--
العند:طبعاً الحاجة دي بتغطس حجر العلاقة فمثلاً في أقرب مشكلة ممكن تقعدوا بالأيام خلي الشهور وإنتوا قافلين من بعض وأي زول راجي الثاني يجي ويعتذر حتى لو غلطان، فلازم يكون في زول بيرخي لمن الثاني يشد . حقيقي كمية علاقة خلصت بسبب العند حاجة رهيبة فلمن تخش علاقة حاول صلح من الحاجة دي فيك.
--
البخل والتكبر :ديل لو لقيتيهم في الشخص الثاني في العلاقة موش تخلي العلاقة دا تهرب عدييييييل فالبخيل بخيل في كل حاجة من قروش ومشاعر وغيره ودا ما كلام ساي فالزول البستكتر فيك القِرش بستكتر في الكلمة البتفرح أو حتى الهدية البتبسطك.
أما لو طلع مُتكبر فدي مُشكلة ثانية فحيحس إنه كتير عليك ويعاين ليك بدونية وتبدأ دوامة المشاكل بتاعت أنا وأنا وأنا قريت في لندن وإنتِ قريتي في الخرطوم (مثال يا شباب والتحية لكل شباب الخرطوم 🤩) وأهلي وأهلك ومصروفي ومصروفك ومُرتبي ومُرتلك يعني الحياة عنده صعبة صعبة وحيقارنك بناس ثانيين ودي مشكلة براها.
-'-
قِلة الأدب:فترة الخطوبة للتعارف ففي ناس بتعودوا على بعض لدرجة كبيرة وبحكوا خصوصيات بعض (ما هنا مشكلتي الكُبرى بعيداً عن موضوع ضوابط الخطوبة) وبتطور الونسة لحِتات ما مفروض تتقال في التوقيت دا فلو لقيت/ي الشخص الثاني بعمل الحاجة دي أهرب/ي فدا بالنسبة لي شخص شهواني وما بقدر يتحكم في نفسه وحيكون شكّاك وحيكرهك عيشتك.
💥_💥
نتفق إنه الخطوبة لها ضوابط وهي فترة للتعارف فضروري تعرفي الحاجات المُهمة بالنسبة ليك من دين الشخص، ميوله، طموحه، خُلقه وخِلقته.
لو حسيت نفسك ما مُرتاح من الشخص الثاني حاول إتكلم معاه مرة وإثنين بس إتذكر إنه ما مطلوب منه يتغير عشانك ولو ما نفع خليه ما هي زي ما ربنا خلق شخص ما مُناسب معاك خلق شخص مُناسب معاك.ما تحس إنه عشان كل الناس إتخطبت لازم تتخطب بغض النظر عن عمرك والناس الحولك.
يا سعد من كنتِ أنتِ نصيبه💙.
#عشان_نتعلم
#وجهات_نظر
#آيه_حسن

"

‏"مَنْ عَفَّ قَلْبَه عن الحَرام
رَزَقَه اللهُ جميلَ الحَلال"
🖇️❤️

"‏لَولا الأصدقاءُ ما طابت ليالينا
ولا ضَحِكنا بليلٍ كانَ يُبكينا ."))